| nO.. GiRLs..nO....'s profileThE wOrLd Is NoT eNoUgH ...PhotosBlogLists |  Tools  Help |
|
July 02 فكره عجبتنيالسلام عليكم
كنت من يومين كده مسافر الزقازيق كنت في نشاط من انشطه الجمعيه هناك
وانا راجع بئي
لقيت حاجه ظريفه اوي ... مرتين
اللي هي اييييييييييييه .....؟؟
هقوولكم هي ايه
لقيت اسماء الله الحسني ورا بعض
ازاي يا واد يا زيكووو
كان في مجموعه شجر ورا بعضهم
فكان علي كل شجره اسم من اسماء الله الحسني
طريقه جمييييله جدددا
وشدت انتباهي جدا جدا
منها ثواب جميل اوي لللي بيقراها واللي كمان حاطتتها منها تسليه في الطريق انك مستني الشجره الجااايه
وفكرت اني اعلمها عندنا في اي حته
يلا اديكم معايا بئي كل واحد يحب ياخد ثواب يحاول يعمل الفكره الجميله دي
June 22 no commentالسلام عليكم
معلش كل مره هقعد اقول وحشني وحاجات من دي .. بس نعمل ايه بئي ده اللي نقدرو عليه
كان في حاجه كده وانا ماشي في امان الله في الشارع شوفتها
 فقولت احكلكم وانا ماشي كده ببص جمبي علي الحيطه لقيت الورقه دي مكتوب عليها كده بالظبط
إعــــــــلان
ممنوع وضع الاعلانات في هذه المنطقة
لعدم الاحراج
وشكرا
وهسبلكم التعليق بئي مش هفتح بووئي
 March 01 من أحلي ايام حياتيالسلامو عليكو
وحشني يا شباب والله بس دلوجيييت الواحد مبئاش فاضي وبتاع
بس بحاول اكون معاكم علي طول ان شااء الله
علي العموم النهارده رجعت عشان احكلكم علي يوم ... يوم بجد كان من احلي ايام عمري دي
يوم مسعداوي اصيل .. من العيار التقيل
يوم مهرجان الخير الثالث لجمعية مساعده بفرعها بالزقازيق
بجد يا جماعه اليوم ده من امتع ايام حياتي
كان فيه كل حاجه .. لعب .. تنطيط .. اطفال .. كبار ( بس علي هيئه اطفال ) وانا اولهم يعني
المهرجان ده كان للايتام ... كان الفرع اللي انا فيه .. كنا واخدين دار ايتام من عندنا ومسافرين بيها اا هناك
طول الطريق بئي مقلكوووش ... الواحد قلب عيل من جديد ... غني وغلاسه علي العيال وحاجات فل
لحد اما وصلنا هناك والتقرير بتاع اليوم هسبكم معاه كمان شويه
بس بجد عاوز اقولكم انا حاسس اللي مش في جمعية مساعده اكنه مش عايش
او يعني اللي مبيعملش خير في حياته عمرة ما هيحس بقيمته في الحياه
ودلوقتي اسبكم مع التقرير بئي
اه اه نسيت زيااد بيسلم علييييييكم وبيوقلكم
وااااااااااااااء وااااااااااااااااء
January 25 bAcK AgAiNالسلامو عليكو
ازيكوا يا شباااب ايه اخباراتكم
كلكم وحشني وحشني وحشني ببشاعه يعني
 بس نعمل ايه بئي الدنيا مشااغل والواحد أول اما اخد الاجازه بقي وراه حاجات اكتر ما كان في الدراسه
بس في الايام اللي فاتت دي حصل بعض التطورات بئي
ولازم سعادتكم تعرفوهااا
واللي هي اييييه اللي هي اييييييييه
مممممممممم
المفجأه الكبري
أبـــو الســـعود عــلــي الــحــدود
وأبو السعود ده يبئي اللقب اللي بعض الناس بينادوني بيه
لييه بئي ابو السعود هيروح الحدود
عشان زياد ... جه للدنيا
يعني ايه يا زيكو وضح كلامك بئي بلاش رخامه
حاااااضر
يا جماعه بئي ليا اخ وحاليا عنده 20 يوووم
 رجعتلكم بخبر الموسم اهوو
 وبنا يكون في عوني علي الحدود بتاعتي بئي
يلا كفايه عليكم الخبر ده النهارده ومنجلكوش في حاجه وحشه
 بس عاوز اقولكم انه أحلي زياد في الدنيا
عشان انا اللي مسميه طبعا يعني
 واليكم
زيــــــــــــاد أبـــو الــــســـعــود
December 11 كل تأخيره وفيها خيرهالسلامو عليكو
ازيكو يا شباب ايه الاخبارات
معلش انا عارف اني بئالي فتره كبيرة اوي مش بكتب اي حاجه
بس كنت مشغووول جداا في الجمعيه والله
 وبعدين كمان انا دلوقتي دخلت علي الامتحانات يعني قدامي لحد 23/1 والمفروض اني عندي امتحان بكره كمان
يعني ايييه بئي
لو قدرت ابئي اعمل حاجه في الاسبيس هعمل مقدرتش اعزروني يا ريت يعني
ويلا بئي مع السلامو عليكووو
بس كلكوووو وحشتوووني مووووووت
سلامز
November 15 استراحه قصيرهازييييكم يا شباااب الاسبيسااات
ايه الاخبارات
سوري عن التأخير بس نعمل ايه النت عامل عمايله معايا
دايل اب مش نافع ودي اس ال مش ناااااااافع
نعمل ايه بس مش عاااارف
يلا اهو حكم الزمن بئي
معلش النت بايظ اليويمن اللي فاتو واليومين اللي جاين كمان
واول اما يتصلح ان شائ الله
هرجع تاااااااااني هزهقكم بردووو :P
يلا وسوري اني موش بعمل كومنتات بئي
وسلام خصوصي لافراد المستنقع واحب اطمنهم اني لسه متشدتشششششششش
انا اهووووووووووو
 يعني استراحه قصيره ثم نعود للصداع ثانيا
اه اه نسيت احب اهني كل الاهلااااااااويه
واطبطب علي كل الزملكاااويه
واقوللهم معلش كل سنه وانتو طيبين بئي
يلا سلامو عليكووو November 04 اول يوم عييداول حاجه كل سنه وانتو طيبين طبعا عشان العيد
انا كنت كبت بلوج ااااااااااد كده عن العيد بس وانا بعمله بابلش قام النت حصل فيه حاجه وكل اللي كتبته اتمسح
 وبأمانه يعني كسلت اكتب تااني عشان الكلام بيجي مره واحده بس ومش بحب اكرر الكلام تاني وانا بكتبه
 يلا المهم كل سنه وانتو طيبين وخلاص
المره دي بئي هتكلم علي مظاهر اول يوم عييد
 امبارح تقريبا مخرجتش يعني
يا دووب اتمشيت شويه بس في الشوارع مع نفسي وعديت علي كام واحد كده سلمت عليه وخلاص
ولاحظت اني الوحيد اللي مصيف في البلد
البشر كلها مشتيييييه شتوي ايييييييه
يلا ما عليننا
المهم ايه وانا ماشي بئي اعد في كل حته الاقي اتنين حبيبه اعدين يحبواا في بعض تحت الشجره يا وهيبه
 وعملت احصائيه بئي مهو انا ماشي لوحدي وفاااااااضي
كل واحد يا اما ماشي مع واحده حلوه ... او ماشي مع اتنين وحشين علي اساس يعني انهم يلخمووه في الكلام وميخدش باله مم المنظر
مع انه اصلا الواد بيبئي اعفن منهم
 يا اما ماشي مع واحده حلوه وواخد واحده فوق البيعه وحشه
لو بعد كده بئي يبئي مفتري
سواء ماشي مع اتنين حلوين او تلاته وحشين
انا نفسي اعرف يعني هو اشمعننننه العيد اللي كل الناس بتمشي تحب في بعضها في الشوارع
والله بيبئي منظر معفن اساسا
ولا يمكن عشان العيد فرحه وبتاع
وتلاقي الواد بئي مدخخخخخل الفنلللللللله جوه
\ومتقولوليش ايه فنله دي ايوه هي فنلللللله مش تيشرريت ابدا
مينفعش يطلق عليها تيشرت
ومطلع الجزام ابو توكه مصدييه ومزحلق البنطلووون
ومزحلبق شعره وال ايييه الشاب الروش
بس هنقول اييه بئي
ربنااااااااااااا يشفييييييييييييييييي
وبردو العيد فرحه
وكل سنه وانتو طيبين بئي
وعاااااااااااوز العييييييديييييييييه مليييييييش دعوه October 22 يلا رشحونيبما انناا بئي دخلنا علي فتره انتخابات فتره الشعب
وبما اني متقفشتش انا وفرقه المستنقعاااااات اياها لحد دلوقتي
فاييييييييه بئي .. عاوزين نتشد
فقوووولت يا واد يا زيكو ارغي شويه علي الانتخابات
الانتخابات دي عــســـــل اساسا
تلاقي كل واحد ملهووش في البتنجان يقولك يلااا نرشح نفسييييييي
عاوزيييين سلطه يا رجاله
تلاقيه بئي راح لاممه شويه ناس كده من اللي بيعرفو يخلصو اي حاجه في اي حاجه
ويقولهم يلا يا رجاله كل واحد هياخد حته من التووورته بعد اما انجح
وكل مرشح يصرف يجي 100 الف جنيه بالميت عشان ال اييييييييه ممكن ينجح
طيب وعلي ايه يخوننا ما تتفقووو وتلمو فلوسكم وتسيبو واحد بس اللي يرشح لنفسه وقسمو الفلوس ما
 بينكم ولا تدوها للغلابه وكله هياخد من الفته بردوووو ويا سلااااااام بئي يجي وقت الخطب
اييييييييييييييها الناااااااااس اللي بتاكل قلقااااس
انا هعمللللللك جاااااااامع ومستشفيييييييييي
اه اه نسييييييييييت المدرسه الخيرييييييييه
وكل واااااااااحد هيرشحني يجي ياخدله رغييييييييييف وتلات بيضااات وسندوتش شيش طاوق
وتلاقي واااحد قااااااام
بتحبوووووو مييييييين مللللك الحمييييير
اصدي ملك الحلويييييييين يقوم قايلهم خلااااااااص وتلات اكياس كاتشب لكل مواااااااااطن يلا عشان متقولوش اني حرمتكم من حاجه
مهي بجمله البتنجان بئي هتيجي في دي يعني
وفي الاخر ينججججججح وتلاقيه وقف في بلاكوووونه بيتهم
يلاااااااااا من هناااااااا يا لماااااااااااامه
اطلعووووو براااا بيتيييييييي
امسك حرااااااااااااامي
يلا هنقول ايه ولا ايه ولا ايه
 هنسيب باقي الكلام بئي لافراد المستنقع عشان يبعبرووا عن محاسسهم المدفوونه ويلا بئي مع السلامو عليكو
وسوري اني اتأخرت في البلوج ده بس تعملو ايه بئي بقينا ناس مهميين October 10 ذكرالسلامو عليكوو
بما اني تعبان يعني شويتين ومش قادر ارغي
ومش لاقي حاجه ارغي فيها قولت احسن رغي يكون ده
ولا اقعد ارغي واكح في البلوج وتقولو زيكو هو اللي نشر العدوي في الاسبيسات بئي ورمضان كريم October 03 وحوي يا وحويالســــلامو عليكووو
وحويييي يا وحويييييي ايوووووووحا وكمان وحوي ايووووحا
وكملو انتو الاغنيه بئي مع نفسيتكم كل سنه وكل مسلم بخير ان شاء الله .. جانا احلي شهر في السنه اللي المفروض نستنااه من السنه
للسنه اللي بعدها احلي ايام عمري كنت بقضيها في رمضان
 كان رمضان ده كل سنه ليييه كده متعه عمررها ما تتكرر ابدا في السنه
كفايه بس كده وانت صايم تروح تلعب كوره وتبئي ميت من العطش ومش لاقي بؤ مايه وتمشي عامل زي اللي ماشي في صحرا
لا بجد والله رمضان ده فعلا شهر مفيش زيه في السنه
بس المشكله ان في ناس كتير اوي بتحسب رمضان اول اما يجي انه ده احلي وقت للفرجه علي التي في
المسلسلات بئي الجميله كلها بتبئي في رمضان وكل حاجه بتبئي حلوه علي التي في
 وهييييييييييييييييييصه بئي اهو اللي يفكر كده يبئي اغبي تفكير في الكون
لان بجد بجد حرام ان الواحد يضيع شهر زي ده من غير ما يكون طالع منه
 زي ما اتخلق تماااااام من غير ولا ذنب .. والمسأله مش صعبه يعني
بس بردو مش سهله
ونص الشعب اساسا يصووووووووم ويعمل كل حاجه ويجي بعد الفطااار يقووول اااه انا مييييييت من التعب اما ادخل انام نص ساعه كده ولا حاجه اريح
يجي عم الامور يريح .. يقوم مريح علي الاخــــــــر
التراويح طبعا انسي بئي
يقوم مش فايق يقعد قدام التي في عقبال لما يفوق
ولما يفوق يكون لزق في التي في خلاص
الحمد لله صيامه ضااع وضيع كل حاجه حلوه بتميز رمضان عن بقيه الشهور
فياريت يا جماعه الكل يهتم اوي برمضان ده لانه حرام يضيع علي اي مسلم في الدنيا دي
ولا بئي عشان انا عندي برد وشويه حاجات تانيه في بعض كده
فايه اروح اريح شويه بئي September 26 اخر موضةمن فتره صغنونه كده كنت بتمشي في الكليه المحرقه بتاعتنا فقابلت شويه ناس كده اعرفهم قــــــلــت يا واد رووح سلم حدش واخد منها حاجه المهم يعني روحت وقعدت معاهم شويه اعدت اغلس واهرج بئي وبتاع
 وبعدين اخدت بالي من حاجه غريبه وانا قاعد مخدتش بالي منها اول اما روحتلهم لقييييييت ايه يا واد يا زيكو لقيييييت ايييييييه
هقولكم لقيت ايه ... انا ببص علي بنطلون واحد كده لقيت الواد لابس حزاااام التووكه بتاعته يجي كيلو ولا حاجه ده شئ عادي انما الاغرب بئي طلعت بنظري فوق شويه لقيت فوق الحزام ده
لقيت حزام تاني في عروات تانيه في نفس البنطلون
 بقي البنطلوووون دلوقتي بحزميييييييييين علي اخر الزمنخلاااااااااص البنطلون حاسس انه هيقع منننه في اي لحظه قام ربطه بحزامييين وكل حزام كيلو لوحده
والله انا تعبت للولا والله
انا مش عارف ناقص ايه تاني بئي
لما راجل زي الفل كده ماشي في الشارع بحزامين في بنطلونه واحده تحت شويه وواحد فوووق
انا حاسس ان بسبب تقل الحزامين دول البنطلون هيقع من الوله اساسا
ولا يمكن حاطط واحد ستبن مثلا عشان اي موكف غير متوكع ولا يمكن رايح يتخانق ولا حاجه
المهم
ربـــــــــــــــــــنــــا يــــــشــــــــفــــــــــــي
كــل مـوضـة مـريـضـة September 21 دكاتره اخر زمنالنهارده كان المفروض عندي اول محاضره لمادة
البـــرمــجــــة
لقيت الدكتور داااخل بقميص ولابس جرفته وكده دكتور بئي وبتاع اول اما دخل وكله قعد مكانه .. لقيته فجأة قام قالع الجرفته اللي هو لابسها قولت هو في اييييييييييييه من اولها بيقلع الجرفته شكلها سنه اييييييه
فله يعني المهم لقيته بيقولنا كل واحد يطلع كراسه ويكتب اللي انا هقوله
حسيت احساس مكنتش حسيته يجي من تسع ست سنين كده وتصورو بئي قالنا اكتبو ايه
1 - ممنوع الدخول بعد ما هو يدخل
2 - اقفل الموبايل وانت داخل المحاضره
3 - هو عاوز كراسه للماده دي
تصورو عاوز كراسه للماده وبيقول هياخدها في اي وقت ويشوفها ويحط عليها درجات
كان نفسي اقوله وعاوز الجلاد بتاعتها لونه ايه يا عمووو واعد يتكلم كلام عمال علي بطال كده وتلات تربع كلامه محسسني اني واحد في اولي اعدادي
قولت بـــــس الراجل ده شكله اخرته معايا وحشه السنه دي
بس والله في الاخر والحق يتقال يعني طلع راجل كويس في شرحه واسولبه كويس
بس في حاجات مفوت فيها خالص
يلا المهم ربنا يستر بئي وتبعدي السنه دي علي خير
ويلا بئي كفايه عليكم كده النهارده لاني لسه جاي من بره وتعبان اتحرقت من شمس الكليه خلاااص
ورايح اناااااام
يلا مع السلامو عليكو بئي September 16 كلام وبسزي ما انتو شايفين العنوان كلام وبس
طيب ايه هو يا واد يا زيكو الكلام وايه البس ده اللي هنشوفه دلوقتي
المصريين فيهم حاجه غريبه اوي ويمكن معظم العرب كده يعني  اللي هي ايـــــــــــــــه هقولكم انا : يعني مثلا الواحد تلاقيه طول ما هو ماشي يقول دي يا عم بلد مقرفه دي مش عارف ايه
 علي طول متواصل يعني وكلنا بنقول كده يعني ... سواء علي البلد كلها او المحافظه اللي انت فيها
وما علينا البلد بايظه ولا مش بايظه دي قضيه تانيه فيها اعتقال قريب انا وحبيبي هيثم
احتمال ابئي اودعكم قبليها او ملحقش المهم ايه ... لما مثلا حد فينا يسافر برا بلده لمده اسبوع مثلا
اول اما يرجع بلده يبئي طاااااااااير من الفرحه .. ويقول الحمد لله اني رجعت
انا مش هقول اي حاجه عليها بعد كده
 .. دي بلد زي العسل واهلها مفيش زيهم ويا سلام بئي لو كان مسافر برا مصر خااااااااالص واعد فتره طويييييييييله
يا سيدي بئي .. تلاقيه عاوز يحضن الارض اللي هو ماشي عليها اول اما ينزل مصر
ويقول فييييييييينك يا محشييييييييييييي ... فييييييييييييينك يا تلبكااااااتك المعويييييييه يا مصرررررررر
واديله في الهايف وهو يحبك يا فننس بئي
يجي ياكل كام اكله من هنا .. كل يا حبيبي ده انا هفتاااااااان
كل يا خويا ده ان شقياااااااااااااان
يجي اخوكم ده بئي .. يقعدله اسبوع في مصر يجيلو الكام مغص اللي هما
 ويقول الله يخربيووتكم والله ما انا جاي تاني هنا بلد مقرفه حاجه عجيبه اوي والله ... مفيش حد راضي عن حاله
بس فيش شك اننا عاملين زي السمك لو طلعنا برا مصر تحس ان في حاجه غريبه
طلعت عالم تاني ... لان اهل مصر سبحان الله مفيش زيهم في العالم كله
.. ال يعني علي يشرحو القلب اوي ..
يلا المهم اننا يعني مهما بعدنا او رحنا او جينا بردو مش بنقدر علي بعاد مكانا الاصلي
اي نعم طول الوقت مسدود نفسنا بس انا بتكلم عن الاهل والحياه مش علي العيشه
 وهي سهله او صعبه لان ده شئ مفروغ منه يعنيSeptember 13 عدنا17/9/2005
...عـــــدنـــــا ...نفس الكلام اللي بنقوله كل سنه وفي نفس المعاد
الـــدراســه مش بنزهق من اننا نقول نفس الكلام
الواحد يجي في اواخر الدراسه قبل الاجازه بشهرين كده ولا حاجه .. تلاقي يقوووول امته الاجازه تيجي يا
رب يا رب انا زهقت خلاص ومش طايق نفسي ويا سلام لما تيجي الاجازه بئي تلاقي الواحد مظقطط وطاير من الفرحه
ويقعد اول شهر علي السرير عامل كده ويجي تاني شهر يعمل كل حاجه هو كان عاوزها ... وبعدين يقوووول ييييييييييييه هو الاجازه مش
 هتخلص بئي .. يا ساتر الواحد زهق ويقعد يستني الدراسه تيجي ... وهكذا ... ومحدش بيمل من التكرار بتاع كل مره
وانا عن نفسي دلوقتي بقول انا عاوز الدراسه تيجي لاني زهقت من الاجازه
مع ان الكليه بتاعتنا سبحان الله .. بحس انها مصدر الحر في جمهوريه مصر العربيه كلها
لو واقف في حته ضـــل هتلاقي الشمس دخلتلك جوه بس هنعمل ايه الواحد بيشتقلها بقرفها ده وبيحب يشوف البشر اللي مش بيشوفهم في الاجازه خالص
البشر المفسدين .. اللي يجي وقت المحاضره تقوله يلا يبني نحضر يقول اصل تؤ.. مش تؤ
ما تيجي نلعب ستيماشن ويقوم مطلع الكوتشينه .. كله يقول يلا تغور المحاضره يلا اهي بلاوي الكليه جايه علي الابواب ان شاء الله
بس ربنا يستر عشان السنه دي مهمه ولازم الواحد يزاكر بئي وبتاع
ادعولي وادعو لنفسكو بالمره September 10 حكايه فلمبيقـــــولك ايه اليومييين دووول ... كل واحد عاملي فلم يقول لازم الفلم يكون
 هــــــــــــادف يا فرحتي
.. كل الكلام ده كلام وبس ال هادف ال .. يعني الفلم سواء كان هادف او مكنش هادف انا هعمل ايه كل اللي الواحد عاوزه انه يدخل فلم وينبسط وخلاص يقضي وقته
يعني الشويتين بئي اللي بيقعدوا يقولوهم في الجرايد والتي في ده كله كلام فشــــنك
يعني انا مستني اروح فلم عشان اتعلم حاجه في حياتي واعمل بيها
طيب ما انا عندي ديني فيه كل حـــاجه انا عاوزها وخلاص
يجوا علي فلم زي العسل الواحد يقعد يضحك لحد اما وشه يجيب الوانات يقولوا لالالالالالا الفلم ده مش بيمثل قضيه ومش هادف ومش بينصح بحاجه ال يعني الناس مستنيااا النصيحه اللي هتتقال في الفلم وعلي العموووووم يعني الفلم اللي زي ده بيمثل قضيه بردو . علي كلامهم بئي والله الناس دول بياعين كلام وبس.. عالم فــاضـــــــية
المهم الواحد يعيش الحظه وينبسط واللي عاوز يتعلم حاجه يتعلمها من دينه وتجربته في الحياه والسلام عليكم ورحمه الله وبركااته
حـــــد يصقف بئي يحسسني اني عملت مجهود زي ما بيعملو في المؤتمرات
 اي حد يكون نايم يجي وقت التصقيف يقوم اللي جمبه نغزه بكوعه .. تلاقي التاني قاااااام فاااااااااايق علي طول
واعد يصقف
صــــبــاحو جــبــنـه رومـــي يـعــنـي September 08 اونـــطــهمن كام يوم كده كان ورايا كام مشوار كده وواحد من المشاوير دي كنت ناوي
ان شاء الله اروح اشوف البطاقه الانتخابيه واطلعها عشان اروح ارشح اللي انا عاوزه
( ال يعني في حد هيكسب غيره )
المهم ايـــــــــــــــــه روحت القسم اللي في المنطقه بتاعتا
ولاول مره في حياتي ادخل قسم بوليس
بس هنعمل ايه بئي
دخـــلت لقيت يافطه كده مكتوب
قسم البطاقات الانتخابيه والاستعلامات
قولت طيب كويس والله ... دخلت لقيت واحد بئي في البدله الميري قاعد علي كورسي وفي ناس تانيه حوليه مش عارف بيعملوا ايه كده
المهم قلتله لو سمحت انا عاوز اطلع بطاقه انخابيه
لقيته ال ايه يعني مش سمعني وبينفض ... قولت مااااا علينا .. قمت قلته لو سمــــــــــحت انا عاوز اطلع بطاقه اتخابيه .. لقيته بيقولي انت طلعت بطاقه انتخابيه قبل كده
بصيتله كده
 وقلتله لأ والله دي اول مره قالي طيب ابئي تعالي اعملها في شهر 11 الجاي
انا بصيتله كده وقلتله شهر 11
 قالي اه انا اتغظــــــت وقمت ماشي
بئي يعــــــــني هو ده اللي اعدين يقوللنا وقارفنا بيه طول النهار علي التي في
(.. مش عاوزين سلبيييييييه عاوزين كله يروح يرشح .. صوتك يهمنا ..)
وطلع كله كلام اونطه واهو نص الشعب مش معاه بطاقه ولا حاجه ولا هيعرفو يرشحو حد
عشان ايه .. مش فاهم انا
ال شهر 11 ال
طـــيب قولولي انتو بئي هما مش يرحمونا من الكلام الاونطه بتاعهم ده  September 05 NiCk nAmEالســـلامو علــــــيكو
ان شاء الله هقولكم ازاي تخلي النيك نيم بتاعك في الماسنجر يكون ملون وخطه عريض ابـــــــــــقووووووووو مـــعنااااااااااااا... سنـــعــووودوبعدين كام اعلان سمنه ورز وشويه حااجات تجيب مغص...
عــــــــدنـــــا
اول حاجه ان شاء الله لازم تاخد الكود ده كوببي
·#·$12
الكود نفسه هو بتاع التلويين وعرض الخط ..بس الرقم اللي موجود ده هو درجه اللون
المهم انكم بتاخدو الكود ده كوبي وتغير الرقم اللي موجود من
1 : 40
حسب الرقم يدي لون معين وانتو جربو بئي
يعني مثلا زي كده
ده النيك نيم العادي
nO.. GiRLs..nO.. pRoBLeMs (..zikoOo..)
وده النيك نيم بعد اما تحطله الكود
·#·$12 nO.. GiRLs..nO.. pRoBLeMs (..zikoOo..) وهيظهرلك النيك نيم بتاعك من غير الكود في المحادثه بتاعتك محدش يخاف يعني
بس كله يخلي باله ان في مسافه بين الكود .. والنيك نيم
تـــبـــيـــــه
الخاصيه دي ممكن متظهرش قدامك لو انت شغال وندوز غير اكس بس
وبتظهر علي وندوز اكس بي بس.. لو اي حد عملها وهو شغال بوندوز 98 مثلا .. وبيكلم حد شغال علي وندوز اكس بي بتظهر للي شغال بالاكس بي ان النيك نيم بتاعك ملون
 هو في الطريقه دي الوانها محدوده شويه للاسف .. وفي طريقه تانيه فيها اختار اللون اللي انا عاوزه بسهوله
بس عشان اقولهالكم اقعد اليوم كله اشرح وكل واحد ينزل في برامج وبلاوي زرقه وفي الاخر محدش
هيفهم حاجه بردو
المهم ان دي طريقه كويسه نوعا ما يعني
_____________________________________________________
وبما اني رغاي يعني
خدو النكته دي عندكوو
كان في راجل عاوز يعمل حاجه الناس تفتكره بيها ففكر انه يعلم نمله رقص البااااليه واعدت فتره وقدر فعلا انه يعلم نمله الباليه فقال مين يا تري اللي يقدر انه يقدر التعب والمجهود ده .. قام رايح لطفل صغير قاله اسمك ايه يا حبيبي قاله محمد .. قاله ايه دي قاله نمله وقام فعصها بإيده
الراجل اتجن وراح المستشفي وقعد فيها سنين كتير .. بعد اما خرج راح وجاب نمله تانيه وعلمها بردو الباليه .. وقال المره دي هروح لشاب عشان يقدر يفهمني قام رايح لشاب قاله اسمك ايه .ز قاله محمد .. قاله ايه دي يا محمد محمد قاله : قلتلك من عشرين سنه ان دي نمله وقام فعصها تاني بإيده ________________________________________________________________________________
September 02 اقــتباسالسلااامو علييكوو
انا الانتري بتاعي المره دي اقتباس فلاش كده انا لما شفته او بالاصح سمعته وقريته ( تحت المروحه وهي علي سرعه 3
) حسيت اني استرريحت نفسيا والله كان عندي قبليها حاله ملل مش عارف من ايه بس بجد بجد حسيت اني خرج منها سبحان الله والفلاش ده كان واحد صاحبي عامله انتري عنده برده قريب بإسم
why are you sad..?
هو فعلا لو كنت ساااد شوفه .. ممكن ناس متتأثرش بيه بس انا مجرد الموسيقي بتاعته بس
اثرت جدا فيا
وادي اللينك بتاعه
واطلع من مللك  August 27 معركه كلام
امبارح.. وانا قاعد مع نفسيتي كده افتكرت ان في واحد صاحبي بقالي كتير مش شووفته .. كنت متعود دايما اروحله كل يوم جمعه.. مش عارف ليه يعني المهم ايه اتصلت بواحد صاحبي تاني وقلتله تعالي نروح للواد ده .. وياااارتني ما قلتله رحناله لقيناه في مشوار وهيرجع كمان شويه وكمان سعادته الباشا مش معاه موبايل .. قلنا موووووش مهم.. نتمشي شويه عقبال لما وفين وفين لما البييه شرف المهم هو قالنا اطلعو من هنا وانا مصدقت دخلت الاووووضه بتاعته شوفت السريييراترميييييييت عليه اصل انا لما بكون عند اصحابي بعمل اللي انا عاوزه بدون احياج واحنا اعدين بنتكلم كده عادي طلبت معايا ساعتها اغلس علييييه هو الواد ده اصلا في كليه طـــب . قالي يعنيييييي هما بتووووع هندسه اللي بيفهموووو دول ملهمش اي لزمه اساسا ... بــــــس والعبد لله بئي مش هيتفرج قلبت بئي حرب كلام نص ساااااااعه هو اعد يجيييييب كل العيوب في بتوع الهندسه وانا اللي صعب عليا في الحـــــوار ده كله الواد اللي كان جاي معايا .. هو اصلا في كليه هندسه بس في جامعة تانية .. الواد يحيييني اعد نص ساعه عامل كده والله اخر اما زهق كنت انا قاعد اددامه قام بعتلي رساله علي الموبايل بيقولي يلا بينا نمشي ههههههههههههههههههههههههههههههههههههههههههه والله كنت هموت من الضحك ساعتها بس انا في نظري المهندس اهم من الدكتور لو هنعمل مقارنه بئي لان المهندس اساس كل حاجه حتي العياده بتاعه الدكتور اللي بيشتغل فيها والآت بتاعته المهندس هو اللي بيعملها
بس لو عاوزين رأيي بجد كل واحد مهم جدا في حياتنا سواء المهندس او الدكتور او اي حد سواء عامل.. محامي .. تاجر .. من اصغر واحد لاكبر واحد .. لان لولا الحاجه البسيطه اللي العامل البسيط بيعملها دي ولا الدكتور او المهندس اللي مفكر نفسه يا ماا هنا ياما هناك مش هيعرف يعمل الحاجه اللي هو عاوزها هي الدنيا كده كل حاجه مترتبه علي بعضه وعلي فكره انا والواد الدوك ده كنا بنغلس علي بعض بس مش اكتر
August 23 ظاهره جديدةانا كنت ماشي من كام يوم كده خارج مع اصحابي عادي يعني وبنتمشي .. فلاحظت ان في ظاهره عجيبه بدأت تكتر اليومين دول
.. ان كل واحد ماشي في الشارع ماسك موبايل بكاميرا وشغال يصور في البنات اللي رايحين واللي جايين  والله حاجه تغيظ لأبعد الحدود .. طيب ازاي واحد يرضي مثلا علي اخته وهي ماشيه في الشارع ان حد يصورها علي موبايل وياخد الصوره ويعمل بيها بلاوي زرقه .. ده تسموه ايه ده
وعلي فكره الحكايه دي مش في مصر بس لا في جميع الدول العربيه
الظاهر اننا دايما بنحب نطلع متخلفين ... الاجانب براا بيستخدموا التكنولوجيا الحديثه دي في العلم في اي حاجه يستفادو منها بس احنا لاااااااا .. احنا لازم نتهايف ولازم نعمل اي حاجه تدل اننا متخلفين اكتر واكتر
 فيها ايه يعني لو كل واحد احترم نفسه وخلي الكاميرا دي لنفسه بدل أذيه الناس ... وممكن تحصل خناقات بالهبل بسبب الحركه دي .. طيب وهو ليه من اساسه يعني
حاجه غريبه والله
يلا علي العموم ربنا يهدينا جمييعا اروح انا بئي الحق اجيبلي موبايل بفيدو عشان اكون اول واحد يصور البنات بالفيديو August 18 العمل
الــــعـــمــل
ومحدش يفهمني غلط في كلمه العمل دي انا قصدي الشغل ليس الا..وانا اعد افكر كده من كام يوووم في اووضتي اللي بتخنق منها اساسا لاني 24 ساعه فيها
قلت يا واد يا زيكو لما تتخرج هتعمل ايييييييه .. يا تري هتشتغل ولا هتروح القهوه
وتلعب طووله زيى معظم الشعب المصريانا الحمد لله ربنا وفقني ودخلت كليه الهندسه وكمان دخلت القسم اللي انا عاوزه وناقص بس التخصص النهائي ..وده كنت بحلم بيه من صغري
طب ولما اعمل ده كله يا تري هبئي اشتغل الشغل الروتيني اللي كل الناس فيه او معظمهم يعني .. طب وليه يعني الواحد يتعب طول سنين حياته عشان يطلع يا اما ما يشتغلش خالص..
يا اما يشتغل زي الآله اللي هو ماسكها.. مش حرام كده يعني من امتع الحاجات في الدنيا دي في وجه نظري العمل والشغل بجد بجد بحس انه احسن حاجه
بيعملها الانسان بعد عبادته لربنا .. وكمان اصلا العمل جزئ لا يتجزئ من العباده .. بس بجد احساس جميل وانت بتشتغل في حاجه وانت بتحبها ومقتنع فيها وبعد اما تطلع نتيجه معينه فيها وتشوف نجاحك فيها بيكون احساس ميتوصفش اساسا
.. بس في انواع من العمل الاجباري والمفرط اللي بمرور الوقت بيئي مجرد روتيين حياتي يتعب وبس مفيهوش اي جديد
يصحي الصبح يغسل وشه ويعمل نفس الحاجات اللي بيعملها كل يووم ملل ملل ملل ملل
.. انا عن نفسي مره قولت اجرب اشتغل في حاجه وفعلا انا واعز صاحب ليا فكرنا في مشروع صغير ونفذناه في فتره الاجازه اللي فاتت دي وكان قممممممه المتعه والله علي الاقل كسر الفراغ اللي احنا كل يوم كنا فيه .. نفس الحاجات في الاجازه يا اما اخرج يا اما علي النت يا اما يا اما كان ملل بجد المشكله دلوقتي بئي لما الواحد ان شاء الله يخلص الكليه هيعمل ايه
.. ممكن واحد مش بيحب الكليه اللي هو فيها ومجبر عليها مش فارقه معاه بس افرض واحد بيحب كليته جدا وبيحب شغله جدا جدا يجي يتخرج وميلقيش اي فرصه انه يشتغل ولو يشتغل مش هيكون الشغل اللي يتمناه ويطلع فيه مواهبه وخبرته .. بتبئ نسبه 20 % تقريبا اللي بيلاقو الفرصه %دي..طيب وال 80 % الباقيين يتحرقو يعني ... يا رب نكون من ال 20 بدل اما ننحرف في البلد دي .. إدونا فرصه بئي August 15 الــنـتـيـجــةالـــسلاااامو علييييكو
ازيكم يا جماعه والله كله كله وحشني .. وعوده بعد غياب بئي
اصل النتييييييييجه طــلــــعت الحمد لله ومش عاوز اي حد يقول انت جبت كام
المهم اني الحمد لله يعني خلصت السنه الكبيسه دي
وعدت علي خير والحمد لله
وبالمناسبه دي بئي انا عامل حفله صغيره كده ومش عازم اي حد فيها
حفله شاي ببسكوت
بس الظاهر الشاي خلص فابئو فوتو علينا بعدين بئي
وعقبال كـــــل الناس ينجحو كده ويفرحو ويعملو حفله شاي وميعزموش فيها حد بردو
يلا بئي مع السلامو عليكو July 30 FrEeالسلامو علييييكو لكل الناس اللي بيزوروني
معلش بئي بئالي فتره مش بكتب اي حاجه ولا بعمل كومنتات لحد بس اصلي زهقان شويه بعيد عنكم
هتقولوي ده شكل واحد زهقان يلا بئي معلش خدوني علي اد عقلي المهم انا هقعد كده شويه مش اكتب حاجه لحد اما يجيلي نفس بئي
يلا سلاااااامز لكل البشر July 05 الصداقة
الصداقة من اروع الكلمات التي تنطق بها الشفاه واعظم المعاني التي يفكر بها العقل ولا يوجد أي شئ في الكون كله يعادل ما يعادل معني الصداقة في الحياه فالحياه بدون الصديق لا تساوي شئ ...
واللي خلاني اتكلم النهارده عن الصداقه موقف حصلي من كام يوم كده من ناس المفروض انهم اصحابي , منهم الصاحب ومنهم الصديق وانا اللي يهمني الصديق مش الصاحب لان الصاحب عباره عن واحد بكلمه زي أي واحد في الدنيا اقعد معاه اهزر واتكلم وكل حاجه بس وقت الجد والشده مفيش أي حد ينفعني ويفهمني غير صديقي مش صاحبي واللي زعلني من الموقف اللي حصل لانه جه من بعض اصدقائي اللي انا بحبهم ومكنتش احب انهم يزعلوني في حاجه او ازعل منهم في حاجه وما علينا الموقف اللي حصل يعني مش لازم احكيه بس الموقف ده ممكن يسبب مثلا مع بعض الناس انهم يسيبو اصداقئهم ويبعدو عنهم انا نفسي اعرف حاجه واحده بس ليه لما يكونو اتنين اصدقاء وبيحبو بعض واحد فيهم يعمل حاجه تزعل التاني مش شئ صعب بردوو !!!
الصداقة دي شئ مهم جدا في حياتي انا هتكلم عن نفسي انا مثلا انا لو صديقي طلب مني أي حاجه اديهاله ادام هو ده هيسعده مش اعمل حاجه تزعله لان هو الانسان الوحيد اللي هيفضلي في الدنيا احبه ويحبني بعييد عن أي مصلحه في حياتي او حياته نحب بعض لله وفي الله , يبئي حرام علي أي واحد من الطرفين انه يعمل حاجه تزعل التاني ويا ريت يا جماعه أي واحد يقرا الكلام ده يعرف بعديها يميز بين مين هو صاحبه ومين هو صديقة بالظبط لانها تفرق اوي في حياته لان في ناس كتير بتنخدع تفكر واحد مثلا حبيييييبه اوي اوي اوي ويجي بعد كده يكتشف انه كان حب عادي والانسان ده ميبنعفش يكون صديق بالعكس ده مينفعش يتصاحب اصلا ومعلش طولت عليكم بس انا كنت بطلع اللي في جوايا بس
والبلوج ده قلب درامه شويه انا عارف June 30 فيين الهداياانا عيد ميلادي المفرووض يعني حسب شهاده الميلاد ورسميا
انه يوم 1/7 يعني كمان يومين بس انا مولود اصلا 29/6 ومش عارف ايه لزمه الكلام ده كله يعني
المهم اني عاوز الهدايا والتووووووورته عشان اكلها لوحدي
او حتي كلمه كل سنه وانت طيب بدل اما يتنفضلي خالص
 وعقبال عندكم جميعا ومن قدم شئ بيداه التقاه وهنياااالك يا فاعل الخير والثواب
ويا ريت كل واحد يحط ربع جنيه بئي بالمره في صندوق الاسبيس اصلها قلبت شحاته بعيد عنكم
وعقبال عندكم جميعا
|
ThE wOrLd Is NoT eNoUgH FoR mY aImnO.. GiRLs..nO.. pRoBLeMs
|
|||||||||||||||||||||||||||||
حاجه من اساسه
مش عارف ليه .. ويا ريتها ما طلببببت يا ريتها 
اجيب العيوب اللي في بتوع طب .. لحد اما انا نفسي زهققققق من نفسيييييييي ...
الـــصـــداقــة 
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
